“Deadpool & Wolverine” in “Joker” a khum: R-rated film zingah sum la lut tam ber a ni ta

Disney comic book sequel “Deadpool & Wolverine” chuan tlangzarh a nih aṭanga ni 23 chhungin USD tld 1.086 a la lut a, R-rated movie zinga sum la lut tam ber a ni ta der mai.

Ryan Reynolds leh Hugh Jackman channa, “Deadpool & Wolverine” hian R-rated film sum la lut tam ber record lo siam rengtu, 2019-a tih chhuah 'Joker' sum lak luh, USD tld 1.078 chu ni 23 chhung lekin a rawn khum a ni.

July 26-ah tih chhuah anih khan, tlangzarh karah North America-ah USD mtd 211 zet la lutin, tlangzarh kara sum la lut tam parukna dinhmun a rawn hauh nghal bawk. North America-a a sum hmuh tawh hi USD mtd 516.8 niin, international-ah USD mtd 568.8 a hmu tawh bawk. Kumina film chhuak tawh zingah USD mtd 1.558 la lut thei, Disney Pixar smash, 'Inside Out 2' chauh a pha tawh lo a ni.

Marvel Studios president Kevin Feige chuan Marvel Studios R-rated movie hmasa ber heti taka a hlawhtling thei hi lawmthu sawiin, he film siam nuam an tih ang bawka audience lamin an lo lawm chu ropui a ti hle tih a sawi.