'Indiana Jones'-a Harrison Ford-a lukhum $ 630k in hralh

Indian Jones franchise-a a pahnihna, Indiana Jones and the Temple of Doom-a actor Harrison Fords lukhum khum chu lilamnaah USD 630,000 in an hralh.

He fedora hi Temple of Doom film atana bik liau liaua an siam a ni a, a film tir lamah Jones chuan a ṭhiante nena thlawhtheihna tla aṭanga an zuanthlak dawnin a khum a ni. A stunt performer Dean Ferandini pawhin a khum a ni. London-a Herbert Johnson Hat Company siam a ni a, a chhung lamah gold rawngin 'IJ" tih a inziak a ni. Kar liam ta khan Los Angeles-ah lilam a ni a, Star Wars, Harry Potter leh James Bond film-a hmanruate pawh an lilam tel bawk. Kum 2012-a chhuak James Bond film 'Skyfall'-a Daniel Craig suit hak pawh USD 35,000 in an hralh a ni. 1989 Batman movie-a motorised Batwing chu USD 406,250 in hralh a ni a, original Scream (1996)-a Ghostface costume chu USD 270,900 in an hralh bawk a ni.