Lacey Strum Solo album pahnihna a buaipui leh ṭan

Flyleaf vocalist hlui Lacey Strum chuan a solo album pahnihna tur a buaipui leh ṭan a, studio lamah a luhchilh leh ṭan tawh.

Lacey hian hemi chungchang hi instagram lamah a tarlang a, a fan-te chuan a ngaihven nghal hle a ni.

Project thar a buaipui ṭan tih erawh nikum lam aṭang tawh khan a hriat a, Breaking Benjamin vocalist Ben Burnley nen band thar an din mai thei tih thawmte pawh a awm. Hemi chungchangah hian thuchiang engmah a la awm lo thung a, tunah erawh solo album lam a buaipui mek tih a chiang hle.  

Thla hmasa pawh khan Skillet guiatrist Korey Copper nen hla an phuah dun tih a lo tarlang tawh bawk a ni. Korn member Brian "Head" Welch solo album tihchhuah turah pawh Strum hian a pui dawn a, eng hla nge a sak dawn tih erawh an la sawi lang duh rih lo thung.

Kum 2016 khan a solo album 'Life Screams' a lo tichhuak tawh bawk a, kum 2012 khan a hming chherna Flyleaf a chhuahsan a ni.

Billboard Hard Rock Albums chart-a hmeichhia No.1 ni thei hmasa ber Lacey Strum hian Loudwire-in an kawmnaah mi piangthar a nih thu a sawi. Mahni intihhlum tumna a neih laiin mi pakhatin lo tidingin a ṭawngṭaisak hnuah a piangthar a ni. A lehkhabu ziahah pawh Pathianin mahni anpui kawp chinna sual aṭanga a chhanchhuah thu ziakin, a bialnu neih ṭhin pawh a bansan nghal bawk.