Chappie film pakhatna

Box office (ticket hralhna hmun) aṭanga ticket hralh chhuah aṭanga North America-a kar tawp chhunga movie sum lalut hnem ber chu sci-fi film Chappie a ni. Mahse kar tawp chhung kha hun dang ngaihtuah chuan sum luh tlem kar a ni.

Pakhatna hauhtu Chappie pawh hian sum a lalut hnem huk lo hle a, kar tawp chhunga a sum lakluh zawng zawng kha USD mtd 13.3 chauh a ni. Critic lamten an fak a, mahse hei vang hian entu erawh an pun phah hluai chuang lo.

Blomkamp kan hriatna tur hi kum 2009-a a tihchhuah District 9 kha a ni. Kha film kha USD mtd30 chauh senga a siam a ni a, USD mtd 210.8 zet a lalut a, kum 2010 Academy Awards-ah khan Best Picture-ah nominate a ni hial a ni.

Chappie hi kum 2013-a tihchhuah Elysium chhunzawmna ang kha a ni ber a, mahse kha film kha a tluk lo hle. Elysium khan USD mtd286.1 zet khawvel pumah a lalut a, kha film-ah khan Matt Damon leh Jodie Foster te an chang a ni. Chappie hi Hugh Jackman leh, Slumdog Millionaire-a a changtu, Dev Patel te channa a ni.

Box office movies

"Chappie" - $mtd13.3

"Focus" - $mtd10

"The Second Best Exotic Marigold Hotel" - $mtd8.6

"Kingsman: The Secret Service" - $mtd8.3

"The SpongeBob Movie: Sponge Out of Water" - $mtd7

"Fifty Shades of Grey" - $mtd5.6

"McFarland, USA" - $mtd5.3

"The Lazarus Effect" - $mtd5.1

"The DUFF" - $mtd4.8

"Unfinished Business" - $mtd4.8