Germany-ah Gamescom 2024 nei dawn

Games show lian ber, Gamescom 2024 chu August 21-25 chhung hian Germany khawthlang lam, Cologne khawpuia Koelnmess ah neih a ni dawn.

Gamescom hi khawvela gaming event lian ber niin, industry professional leh media-te chauh lo, mipui nawlpui pawh telin title pawh an la thei a ni. Kumina Gamescom neih turah hian nikum aiin exhibitor hi 10% velin an tam zawk dawn a, ram/region 60 chuang aṭangin company-te an kalkhawm dawn a, national pavilion pawh 43 siam a ni ang.

Exhibition neihna tur hmun hi square meter 230,000 vela zau niin, PC leh consumer game title, smartphone game, etc demo-te dah a ni dawn. Area thar siam ni bawkin social stage-ah local content creator leh music act tan hmun siamsak an ni bawk. Exhibitor zingah hian 2K, Amazon Games, Bandi Namco, Bethesda, Capcom, Electronic Atrs, Microsoft, SEFA leh Ubisoft pawh an tel. Kumin event hi Geoff Keighley leh Eefjie 'sjokz' Depoortere ten an host dawn a ni.