BLACKPINK Ft. Selena Gomez 'Ice Cream' a chhuak ta

Blackpink leh Selena Gomez-te chuan an music video thar 'Ice Cream' chu nimin khan an tichhuak ta a, an fan-te pawhin an ngaithla nasa nghal hle. 'Ice Cream' hi Blackpink album thar, October 2-a an tlangzarh tur aṭanga an single pahnihna a ni a, June thla khan 'How You Like That' an lo tichhuak tawh bawk a ni. 

An music video thar hi hmuh a nuam a, a colourful bakah Selena leh K-pop quartet-te hi an hmuhnawm ve hrim hrim bawk nen, darkar li chhungin YouTube lamah chuan thlirtu maktaduai 22 an nei hman der a, ṭum dang angin record eng enge maw an siampui leh thei dawn tih pawh hriat a chakawm tawh hle. 'Ice Cream' hi Ariana Grande leh Victoria Monét-te nena an phuah ho niin media ṭhenkhat chuan an tarlang a ni.