MLG tan hun ṭha a inhawng

Electronic sports-in ngaihventu a ngah tial tial a, fan a ngah tial tial a, hei vang hian hemi huang chhunga sum chevel pawhin hma a sawn. Hmasawnna langsar tak chu CEVO leh Major League Gaming te thawkho tur hi a ni.

CEVO hian US-a esports ringawt ni loin, Major League Gaming hmang hian Europe thlengin an huang an zauh dawn tihna a ni a, chuti a nih chuan khawvela eSports competition te a lian lehzual thei dawn tihna a ni. A lian lehzual tih hian participant mai ni loin, lawmman a pung dawn a, gamer-te tan hamṭhatna a tam lehzual dawn tihna a ni.

Major League Gaming hi North America-a counterstrike league lian ber a ni a, CEVO avang hian tunah chuan an copetition buatsaihte Europe thlengin an zar pharh thei ang. Tuna an thawh dunna hmasa tur hi Counter-Strike: Global Offensive tournament tur a ni. Hetah hian team 12 khel tur thlan an ni ang a, heng team 12 te hian round robin league-in an khel ang a, pali an qualify ang a, chungte chuan final an khel ang a, final hi live-in TV-ah pek chhuah a ni ang.

Tournament an khelhna tur hi MLG.tv.Arena-ah a ni ang a, he arena hi Ohio state-a Columbia khuaa awm niin, MLG esport studio thar a ni a, nikum aṭanga hman ṭan chauh kha a ni.

Prize-a hma a sawn theih dan tur chu kumin chhunga MLG-in competition a buatsaihah lawmman tlem ber tur chu USD 135,000 a ni ang a, a sang chho zel dawn a ni. Tuna tournament khelh tur hi July 24-26 chhunga khelh a ni ang.