Yuvraj Singh-a film an siam dawn

Bollywood leh cricket fan-te tana thu lawmawm tak ni turin, Indian cricketer hlui Yuvraj Singh chanchin chu movie-a siam a ni dawn tih Tseriesfilms chuan a puang.

Yuvraj Singh biopic siamtu turte hian a lema chang tur hi an la thlang lo a, hei vang hian a changtu tur hi fan lam pawhin a inrinsiak nasa nghal hle. Lead role chang tura an duh zingah hian Ranbir Kapoor, Ranveer Singh, Vicky Kaushal, Sidharth Malhotra, Siddhant Chaturvedi, Randeep Hooda leh Aditya Roy Kapur te chu an sawi lar zualte an ni. Biographical drama-ah hian Yuvraj Singh-a career ropui tak, 2007 T20 World Cup-a hriatreng tawh tur six sixes leh infiamna pawn lamah huaisen taka cancer natna a beih dante tarlan a ni ang.