"Marvel Rivals" tlangzarh hun tur puang

NetEase chuan Gamescom Opening Night Live-ah free-to-play shooter, "Marvel Rivals" tlangzarh hun tur a puang. He game hi December 6, 2024-ah PC, Playstation 5 leh Xbox Series X/S ah tlangzarh a ni dawn.

Tlangzarh hun tur an puan rual hian fan-favorite hero zinga character hman theih tur pawh an sawi nghal a, chungte chu Captain America leh The Winter Soldier tia hriat, Bucky Barnes te an ni. "Marvel Rivals" hi team-based game niin, player-te chuan Marvel Universe-a heroes leh villains aṭangin squad an siam thei ang. Character-te hi a hrana unlock ngai loin, tlangzarh ni aṭangin unlock vekin, free-to-play a ni dawn a ni.