'Maine Pyar Kiya' release nawn leh dawn

Salman Khan leh Bhagyashree channa, 1989 hit 'Maine Pyar Kiya' chu 35th anniversary pualin vawiin hian theatre-ah release nawn leh a ni dawn.

Sooraj Barjatya direct, 'Maine Pyar Kiya' hi box office-ah a che ṭha hle a, a hlate hi tun thlengin an la lar a ni. He film hi Bhayashree debut film niin, Salman Khan hian 1988-ah 'Biwi Ho To Aisi' lo chang tawh mah se, 'Maine Pyar Kiya' hi a lar chhuahna tak chu a ni. A soundtrack hi Raamlaxman siam niin, an hla zinga Aate Jaate, Mere Rang Mein Rangne Wali, leh Kabutar Ja Ja Ja te chu an lar zual hle. Bhagyashree chuan film release nawn tur chu Gen-Z lamin an lo dawnsawn dan tur a hre chak tawh hle tih a sawi.