Kelly Clarkson-in Billboard a thunun

American Idol alumni Kelly Clarkson chuan a zaithiamzia leh a ropuizia a album thar hmangin a rawn tarlang leh. Clarkson album thar Piece By Piece chu Billboard 200-ah pakhatna a rawn ni.

Piece By Piece album hi tunkar chhung khan copy 97,000 lai a hralh a, he album hi March 3-a a tlangzarh kha a ni. He album hi Clarkson-i album, Billboard 200-a pakhatna hauh thei pathumna a ni. Kum 2009-a a tihchhuah, All I Ever Wanted kha pakhatna a lo ni tawh a, kum 2003-a a tihchhuah, Thankful kha pakhatna a ni tawh bawk.

Billboard 200-ah hian pahnihnaah Fifty Shades of Grey soundtrack a awm a, he album hi tunkar chhung khan copy 96,000 an hralh. He ost hi tun thlengin copy 450,000 lai an hralh tawh a ni. Taylor Swift album 1989 chu pathumnaah awmin, hapta 19 chhung a lan tawh hnuah hian copy 77,000 hralh leh a ni.

Drake-a album hit chu palinaah a la lang pha a, he album hi sawilawk em em pawh awm loa a tihchhuah kha a ni. Ed Sheeran pawh top 5-ah a la lang e.

Billboard 200

"Piece by Piece" - Kelly Clarkson (97,000)

The "Fifty Shades of Grey" Soundtrack - Various Artists (96,000)

"1989" - Taylor Swift (77,000)

"If You're Reading This It's Too Late" - Drake (73,000)

"X" - Ed Sheeran (63,000)

"Dark Sky Paradise" - Big Sean (58,000)

"V" - Maroon 5 (50,000)

"In the Lonely Hour" - Sam Smith (50,000)

"The Firewatcher's Daughter" - Brandi Carlile (43,000)

"Title" - Meghan Trainor (38,000)