2024 MTV VMAs host leh perform turte puang

2024 MTV Video Music Awards host turin Megan Thee Stallion ruat a ni, awards show a host-na hmasa ber tur a ni.

September 11-a 2024 MTV Video Music Awards neih turah hian Megan hian nomination panga a hmu nghe nghe. A hmain VMA pahnih leh Grammy award pathum a lo dawng tawh bawk. Award show la host ngai lo mah se, Saturday Night Live a host tawh bakah, The Tonight Show Starring Jimmy Fallon-ah co-host a lo ni tawh bawk a ni. Kumin June thla khan a album. 'MEGAN' ti chhuakin, Victoria Monet, GloRilla, UGK, Big K.R.I.T., Kyle Richh leh Yuki Chiba a thawhpuina te a tel. He album hi a label, Hot Girls Production hnuaia independent artist anga a tih chhuah hmasa a ni.

2024 MTV VMA neih tura perform turte pawh puan chhuah chhoh zel an ni a, Nilaini khan Benson Boone, Halsey, Lenny Kravitz leh Lisa of Blackpink te hming puan a ni. Hemi hma hian Sabrina Carpenter, Chappell Roan, GloRilla, Camila Cabello leh Rauw Alejandro te an perform tur thu puan a lo ni tawh bawk. Lenny Kravitz hi kum 25 chuang hnua VMA-a a perform lehna hmasa ber tur a ni, Blackpink Lisa hi VMA main stage-a a solo debut na tur ni ve bawk.

Tun thla tir lamah khan nomination pawh puan niin, Taylor Swift chuan nomination 10 hmuin hma a hruai. Kum 2023-ah pawh nomination hmu hnem leh, trophy dawng hnem ber a lo ni tawh bawk.

Katy Perry chu chawimawina ngaihhlut, Video Vanguard Award hlan a ni dawn a, hemi lawmna pual hian a biggest hits medley a rawn perform dawn a ni.