Instagram profile-ah music dah tel theih

Social media platform lian, Instagram chuan Ningani aṭang khan user-te tan an profile-a music dah tel theih turin feature thar an rawn chhawp chhuak leh ta.

Parent company, Meta chuan an feature siam thar hi a puang a ni. A hma chuan music hi post pangngaiah chauh a dah tel theih a, mahse profile-a dah theih turin an rawn siam a, profile bio-ah 30-second chin a dah tel theih tawh ang. Mahse hla hi autoplay a ni dawn lo a, ngaihthlak duh chuan a hlaah click a ngai ang. He feature thar hi a tahtawlin an chhawp chhuak a, user zawng zawngin an hman theih hun tur erawh hun a la duh deuh rin a ni. Instagram app chu update hnuah, profile tab aṭangin 'edit profile' thlan a, option-a 'add music to your profile' tih lo awm aṭangin hla hi dah theih a ni ang.