Fan Army Face-Off winner SB19

Billboard-in 2024 Fan Army Face-Off a buatsaih chu a zo ta a, a kum hnihna atan SB19 chu an fan army A'TIN zarah winner a ni leh ta. Filipino boy band hi 2023 Billboard Fan Army Face-Off an lo ni tawh bawk a ni.

Kar eng emaw zat voting leh elimination neih a nih hnuah, final round-a SB19's A'TIN leh Rihanna's Navy te inelin, A'TIN lam hian 56.3% vote hmuin, Navy-in 43.7% an hmu ve thung. SB19 hian an social media kaltlangin an fan-te hnenah lawmthu an sawi nghal. SB19 hi Billboard Korea-in Billboard K Power event a buatsaihah August 27 hian Voices of Asia Award an dawng dawn bawk a ni. SB19 hi Filipino boy band niin, member panga an awm. Kum eng maw zat ShowBT Philippines hnuaia an training hnuah, kum 2018-ah an single, 'Tilaluha' nen debut an ni. 2019-ah an hla, 'Go Up' atana dance rehearsal an neih chu viral-in hriat an hlawh chho a, Southeast Asian act zinga Billboard Music Awards-a nominate hmasa ber an ni. "Kings of P-pop" tia sawi an ni ṭhin.