EXO-in an hla thar khuhhawng

Billboard lamah pawh, nikum khan EXO hi an hlawhtling a, tuna an hla thar hmang hian an hlawhtlin leh ngei a rinawm. EXO chuan tunhnai khan EXO Planet #2 kaltlangin an hla thar tur leh music video tur an khuhhawng.

Teaser an tihchhuah hian en a hlawh leh nghal hle a, chart lamah pawh dinhmun sang taka a din leh beisei a nih mai bakah khawvel puma EXO fan-te ngaihthlak rawn a nih leh ngei rin a ni.

Seoul-a EXO Planet #2 – The EXO'luXion concert an neih hma lawkin EXO member, Kris leh Luhan te tel loa an hla thar chungchang hi an sawi chhuak. Press conference an neihah Suho chuan an hla thar tur hming hi Call Me Baby tih a ni mai thei niin a sawi. Eng tikah nge an tihchhuah ang tih an zawhnaah Suho chuan March 30 hian tihchhuah an tum niin a chhang.

EXO hi Billboard main chart, Billboard 200-ah pawh an thleng sang. Nikum khan Overdose EP kha Billboard 200 chart-ah 126 lai an ni thei a, Korean mipa zinga thleng sang ber an ni.