Cinderella a rawn lang thar

North American box office lamah hian fairytale leh comic behchhan film-ho a hlawhtling thei hle. Kar tawp chhunga movie zinga sum lalut hnem ber chu Cinderella a ni.

Cinderella movie hian kar tawp chhung khan USD mtd70.1 zet a lalut hman. Pahnihnaah Run All Night a awm a, an sum lakluh erawh a inthlau hle a, a inthlauhna hi USD mtd59 zet a ni. Fairytale lam behchhanah, Maleficent kha Cinderella hian a rawn khum. Maleficent-ah hian Angelina Jolie a chang a, a changtu hi lar sa a nih avangin che ṭha tura ngaih sa kha a ni deuh a, mahse Cinderalla-ah hi chuan Lily James changin, ani hi chu Jolie nena khaikhin chuan a bûk a zâng hle a ni.

Maleficent hi kum 2014-a tihchhuah kha a ni a, he film hian USD mtd 62.4 a lalut a, khawvel huapin USD mtd132.5 a lalut. Opening week-ah rau rau, Cinderella hian a rawn khum hle a ni. Cinderella-ah hian Frozen Fever attach tel a ni. Frozen Fever-ah hian Frozen film-a character te kha tarlan a ni a, hei hi chhungkaw tam takin an en nasat phah hle.

Run All Night hi action star, Liam Neeson channa a ni a, Taken aṭanga invawrh lar leh em em Liam Neeson avangin hralh a kal phah niin ṭhenkhat chuan an ngai. Kar tawp chhung khan USD mtd 11 chauh a lalut. Tak3n nena khaikhin kha chuan tuna mi sum hmuh hi chhe tak a ni a, January-a tihchhuah Tak3n khan opening week-ah USD mtd 39.2 a hmu chhuak thei.

Box office movie:

"Cinderella" - $mtd70.1

"Run All Night" - $mtd11

"Kingsman: The Secret Service" - $mtd5.805

"Focus" - $mtd8.3

"Chappie" - $mtd5.8

"The Second Best Exotic Marigold Hotel" - $mtd5.7

"The SpongeBob Movie: Sponge Out of Water" - $mtd4.1

"McFarland, USA" - $mtd3.7

"American Sniper" - $mtd2.93

"The DUFF" - $mtd2.9