Little Mizo Champs

Naupang kum 7 leh 14 inkarte tana inelna, Little Mizo Champs chu vawiin hian Chanmari YMA Hall-ah neih ṭan a ni dawn.

SBI Life bul tuma neih tur naupang inelnaah hian naupangin an thiam thil eng pawh an phochhuah phal a ni a, hun bituk neih a ni a, chumi chhungah chuan an thiam zawng mipui leh judge hmaah an pholang ang.

Judge turin zaithiam langsar Michael M Sailo, Rosy K Remsangpuii bakah lam thiam Allen te an ni dawn a; anni hian naupang talent nei ṭha tak tak inlan turte hi ngun takin an lo endik dawn a ni.

He hun hi Zonet TV chuan a cover dawn a, mipui en theiha tihchhuah leh a ni ang. A hmunah a duh apiang tan en theih a ni dawn a, naupang, nu leh pa bakah ṭhalaite pawh a duh apiangin chhim theih a ni.

Tukin dar 10:00-a ṭan tur a ni a, he mi hma hian registration tihfel tur a ni ang.