Chuck Norris-an Netanyahu a pui

Action star lar ṭhin leh tuna Kristian rawngbawltu pawimawh tak ni ta, Chuck Norris chuan Israel-in vawiina inthlan an neih turah Benjamin Netanyahu a pui.

Norris hian Netanyahu hi a fak hle a, video-ah a fakna thu tam tak sawiin a tichhuak a ni. Video-ah hian Norris chuan Netanyahu chua ram hmangaih tak taktu, a thinlung leh a theihna zawng zawng a ram ṭhatna ngaihtuahtu niin a sawi a, hruaitu chak tak a nihzia a sawi bakah, Israel mipuite tana himna thlentu pawimawh tak a ni tih a sawi bawk.

Norris hian Israel-ah film pathum a siam mek tih sawiin, hei vang hian he ramah hian hmelhriat leh ṭhian ṭha tak tak tam tak a nei tih a sawi bawk. Hemi chungchang a sawinaah hian, "Hmathlir thui tak nei hruaitu in mamawh a, hmelma leh sualna, Israel himna tiferthawngtu chauh ni loin United States himna tiderthawng thei tana ding ngam hruaitu in mamawh a ni," a ti a, chutiang hruaitu chu Netanyahu hi a ni tih a sawi bawk.