Selena Gomez-in Emmy nomination a hmu tih a hre har

Actress/singer Selena Gomez chuan 76th Emmy Awards sem tura nominate a ni tih chu a ṭhianten an text-na aṭangin a hre ve chauh tih a sawi.

US TV show 'Extra'-ah hemi chungchang hi sawiin, "Ka thiante zinga pakhat chuan lawmpuina thu min rawn thawn a, a chhante ka lo zawt zawk a, ka nuih pawh a za hle. Darkar khat chhung vel chu ka awih ngam chiah lo a, mahse a hnuah ka team-ten min rawn hrilh ve leh ta a ni," tiin a phur hle tih a sawi bawk. Gomez hi Emmy Awards-ah hian Steve Martin leh Martih Short-te nen an channa, 'Only Murders in the Building' aṭangin Comedy Series-a Outstanding Lead Actress nomination-ah a tel a ni. He award a dawng lo a nih pawhin, nominee zinga a tel chu a tan chawimawina ropui tak a ni pha tawh tih a sawi. 76th Emmy Awards hi September 16, 2024 hian sem a ni ang.