Justin leh Hailey Bieber-ten fapa nei

Canadian singer, Justin Bieber leh a nupui, Hailey Bieber-te chuan an fa hmasa ber atan fapa an nei a, Inrinni liam ta zing khan Justin Bieber chuan a Instagram-ah naute an neih thu hi puangin, a hming pawh Jack Blues Bieber a ni tih a rawn sawilang nghal a ni. An naute pian ni tak erawh an sawilang lo.

Kum 27 mi, American model Hailey leh kum 30 mi, pop singer Justin te hi an inhual aṭanga thla hnih hnu lekah, kum 2018, September thla khan New York-ah an innei a, kumin May thla khan nau an pai thu hi an puang a ni. Naute hminga Jack telh hi Justin-a pa, Jeremy Jack Bieber-a middle name a ni ve bawk a, hetih lai 'Blues' an phuah telna chhan hi an sawilang lo na a, internet lamah chuan an inrinsiak leh nasa tawh hle.