Wayne Static thih chhan a chiang

Static X-a an frontman Wayne Static chu mahni intihlum anga a than viau hnuah San Bernardino county thuneitute chuan autopsy result an tichhuak a, hetah hian mahni intihlum ni loin, amah a inenkawlna a damdawi ei lai leh a zu in nasat avanga thi tih a lang. Zing lamah Wayne hian a nupui tana an chawh damdawi, oxycodone a ei a, hemi hnu hian zu a in leh nual a, tichuan an mu ta a; a nupui, chawhnu lama harh chuan Wayne hi a thi tih a hmu ta a ni. A nupui hian a natna chhâwk nan Wayne hian oxycodone, alprozalam leh zu a inpawlh ṭhin tih a sawi. A hmain an nupa hian cocaine an lo khawih tawh ṭhin a, kum 2009 khan an nghei tawh. Wayne hi a hma aṭanga zu in nasa ṭhin hrim hrim a ni. A damdawi ei leh a zu in zo loin a thi nia ngaih a ni.