Little Mizo Champs a hmuhnawm

Naupang an ni a, mahse talent an nei ṭha tih phat rual a ni lo. SBI Life bul tuma buatsaih Little Mizo Champs chu nimin aṭang khan neih ṭan a ni a, hetah hian naupang, kum 7 aṭanga kum 14 inkarte an tel. Mizo naupang zingah lâm, zai leh kawng hrang hrangah talent nei ṭha an tam tih a hriat hle a, a hmuhnawm a, a ṭanawm. Mizo Little Champs-ah hian mi 57 an tel a, a tam ber hi lâm thiam an ni. A bakah chuan zai leh music play te a ni hlawm.

He intihsiak hi vawiin chawhma dar 11 hian chhunzawm leh a ni ang a, mi 30 thlan chhuahte an intihsiak ang a, mi 30 aṭang hian mi 15 thlang chhuak lehin, heng mite hian chawhnu dar 2 hian an intihsiak leh ang a, result puan a ni tawh ang. Mizo Little Champs hi Chanmari YMA Hall-ah neih a ni.