Prince Harry sipai aṭangin châwl ṭêp

British lal tupa, Prince Harry chuan sipai a bânsan ṭep tawh a, kumin June thla aṭangin sipai aṭangin a chawl ang. Kum sawm vel zet sipaiah hian a ṭang tawh a ni.

Prince Charles leh famta Diana te fapa naupang zawk, Prince Harry hi tunah chuan kum 30 mi a ni ve tawh a, sipaiah hian kum sawm vel zet a ṭang ve tawh a ni. Afghanistan-ah te, Iraq-ah te pawh a lo duty tawh a, lal fapa a nih avangin hmun nuam deuhah an dah chuang lo.

Kensington Palace thuchhuah chuan Prince Harry hian April chhung hian Australia sipaite nen hun an hmangho ang a, Australian Defense Force-ho bulah, Darwin, Perth leh Sydney-ah te a duty ang. Hemi hnu hian Turkey-a Indopui I-in kum 100 a tlin hriatrengna hun an hman a telpui ang a, chumi hnuah New Zealand-ah Royal tour-in May thla hian a kal ang a, chumi hnu chuan sipai hna hi a chawlhsan tawh dawn a ni.