US-a album hralh tam 3-na AC/DC 'Back in Black'

American metal band, AC/DC album 17-na, 'Back in Black' chu an tih chhuah aṭanga kum 44 hnuah US-a music album hralh chhuah tam lamah pathumna a tling ta tih Recording Industry Assocation of America chuan official-in an nemnghet.

'Back in Black' album hi copy mtd 27 hralh a ni tawh a, Eagles 'Greatest Hits (1971-1975) (copy mtd 38) leh Michael Jackson 'Thriller' (copy mtd 34) te erawh an la tluk lo. Khawvel huapah erawh 'Back in Black' hi copy mtd 50 hralh niin, hralh tam lamah copy mtd 70 vel hralha chhut, Thriller chauh a pha lo thung Kum 1980 daih tawha tih chhuah a ni a, he album hi an founding vocalist Bon Scott a thih hnua a tel loa an record hmasa ber a ni. A aiah Brian Johnson zaiin, he album hi a flop ngei an ring vek a, mahse anmahni ngei pawhin an beisei phak bakin an chetṭhatpui ta thung a ni. AC/DC band hi kum 50 chuang ni tawh mah se an la chawl mai lo a, UK leh Europe-ah comeback tour an nei zo chiah a ni. "Back In Black" album-a a single, 'You Shook Me All Night Long' chu Billboard Hot 100-ah No 35 a kai a ni, album chart-ah No 4 an kaipui bawk.