Amy Jackson leh Ed Westwick innei

Gossip Girl star Ed Westwick leh Indian film actress Amy Jackson-te chu Pathianni khan a vawi hnihna atan Italy-a Amalfi Coast-ah an innei. August 9 khan London-ah an lo innei tawh bawk a ni.

Ed Westwick hian an inneih thlalak hi a Instagram-ah a rawn dah chhuak a ni. Amy Jackson hi British actress leh model niin, Indian film-ah a chang ṭhin. A Hindi debut 'Ekk Deewana Tha' chu 2012-ah chhuakin, Telugu debut 'Yevadu' chu 2014-ah a chhuak. Hindi, Telugu, Kannada leh English film-ah te pawh a chang a ni. Times of India-in 'Most Promising Female Newcomers of 2012' leh 'Most Desirable Women of 2014' list a siamah pawh a lo tel tawh. Kumin January thla khan Ed nen hian an lo inhual tawh a ni.