'Inside Out 2' in international box office-ah USD tld 1 la lut

“Inside Out 2” chuan international box office-ah USD tld 1 a la lut tling tawh a, animated film zingah hetiang dinhmun thleng thei hmasa ber a ni ta.

Domestic leh international ticket sale aṭanga USD tld 1 la lut thei hi film 55 an awm tawh a, mahse international market aṭang ringawta USD tld 1 lut thei chu an tam lo a, heng zinga 11 chu live-action movie an ni bawk. 'Inside Out 2' in a sum lak luh tawh zawng zawng hi USD tld 1.649 a tling a, heng zinga USD tld 1.002 hi international box office aṭanga a hmuh niin, domestic-ah USD mtd 646.3 a la lut bawk. Animated film zinga sum la lut tam ber lo ni tawh, 'Frozen II' pawh a lo khum tawh a ni. Foreign market-a a sum hmuh tam zualna chu - Mexico (USD mtd 102.2), Brazil (USD mtd 80), UK (USD mtd 72.7). France (USD mtd 62.6) leh Korea (USD mtd 60.8) te an ni.