Favorite new music-ah Sabrina Carpenter 'Short n' Sweet'

Music fan-ten kar liam taa hla chhuak thar zinga an duh ber an thlan chhuah chu Sabrina Carpenter album thar, 'Short n' Sweet' a ni.

'Short n' Sweet' hian vote tla aṭanga 50% dawn a hmu pha a, hla tichhuak thar dang Coldplay, Little Simz, Burna Boy, Elyana and TINI-te thawh hona 'We Pray', Lainey Wilson (Whirlwind); Central Cee, leh New Radicals te pawhin an tluk lo. 'Short n' Sweet' hi Zirtawpni liam taa a tlangzarh kha niin, he album-ah hian a hmaa single a lo tih chhuah tawh, 'Espresso' leh 'Please Please Please' te pawh a tel. Album a tih chhuah rual hian thriller inspired music video, 'Taste' a ti chhuak bawk a, hetah hian 'Wednesday' actress Jenna Ortega a inlan. Favorite new music poll-ah hian 'We Pray' chuan vote 30% hmuin pahnihnaah a awm.