Marty Friedman-a'n a tawi avangin KISS in an hnawl tih a sawi

Megadeth lead guitarist hlui, Marty Friedman chuan KISS band chuan a tawi avangin an hnawl tih a sawi a, a thinurthlak hle niin a sawi.

Sam Ash Music-in a kawmnaah, Friedman hi KISS hla zingah guitar play a chakna an zawt a, he thu hi a sawichhuak ta a ni. "Guitar player an thlak dawn khan KISS aṭang hian call ka dawng a, audition i ti duh em tihte min zawt a ni. A hun leh a hmun turte ka zawhchian chuan, zawhna dang min zawt letin, hmuihmul i nei em, i sam a sei em, i cher em tihte min zawh hnuah, feet 6 i tling em min ti leh a, 5'7 ka ni a, a ṭul chuan operation te ka ti mai ang," te ka lo ti a ni. Mahse a san zawng an hriat hnuah awmzia a nei dawn lo tiin an hrilh a, a lawm lo hle tih a sawi. Hemi rual hian a sanzawng an ngaih pawimawhna chhan chu a hrethiam tho tih a sawi a, "KISS chuan an landan an ngai pawimawh a, san lam in ang lo deuhte kha an band lan mawi dan tur nen a inmil lo ve tho a ni," a ti.