Bomin, TAG, leh Jibeom ten Golden Child chhuahsan

South Korean boy band, Golden Child member zinga pathum, Bomin, TAG, leh Jibeom te chuan a band leh agency, Woollim Entertainment an chhuahsan dawn.

August 27 khan Golden Child agency, Woollim Entertainment chuan thuchhuah siamin, member pathumten band an chhuahsan tur thu hi a sawi a, an kal zelna turah duhsakna an hlan nghal bawk. Golden Child chu 7-member group (Lee Daeyeol, Y, Lee Jangjun, Bae Seungmin, Bong Jaehyun, Kim Donghyun, Hong Joochan) in a la kal chhunzawm zel dawn tih an puang nghal bawk a ni. Golden Child hi August 2017 khan debut niin, an member zinga mi Daeyeol chu March 2022 khan sipaiah ṭangin, nikum September thla khan a rawn chhuak a, Y chu nikum March thla khan sipai-ah lutin, kumin September thla hian a rawn chhuak tawh dawn bawk a ni.