PETA-in ui note a lei vangin Lady Gaga an sel

Animal rights nonprofit organization, PETA chuan Lady Gaga an bitum leh a, tun hnaiah vulh tura French Bulldog no a lei avangin ngaihtuahna nei lo lutuk tiin an sel.

PETA chuan animal shelter-ah ui lak (adopt) tur tam tak a awm laiin, mipuite pawh ui lei lo a, enkawltu nei lo ui dahkhawmte chu la zawk tura an ngen reng laia Lady Gaga-in ui note a lo lei chu an sawisel a ni. US-ah ringawt pawh enkawltu nei lo zawhte leh ui hi mtd 70 vel an awm a ni, an ti. Heng hmunah hian purebreed te pawh tam tak an awm tiin an sawi. Gaga hian a ui note lei thar hi TikTok video-ah a pho lang a, mahse PETA lam hian an lo bei zui nghal chat a ni.