India - chênna hmun man tlawm ber

Numbeo-in a tarlan danin khawvel ram hrang hrang zingah India chu chênna atan hmun ṭha, thil man tlawmna ber a ni tih a tarlang.

Chênna atan ṭha ber a dang a, chênna atana tlawm, insenso thlak loh ber pawh a dang. Insenso thlak loh berah hian India chu khawvelah pakhatna a ni. India-ah hian thil man a tlawm hle a, ei tur, silh leh fen leh ni tina mamawh thil hrang hrangte ramdangte nena khaikhin chuan a tlawm hle a ni.

Economics at Massachusetts Institute of Technology (MIT)-a an professor Abhijit Banerjee chuan India-a tualchhunga an thil siam chhuahte a man a tlawm a, India tualchhung sumdawnna pawh a lian hle a, hei hi mipuiten an chhawr a ni a ti.

British pound 1 te, USD 1.50 leh India pawisa cheng khatte a intluk anga ngaih theih a ni a, India ram pumah chawhrualin beer um khat hi Rs. 94 a ni a, British pound khat a tling lo deuh a, khawpuia apartment luah man hi Rs. 11,600 te a ni a, chu chu £ 116 chauh a ni.

India economy a ṭhan zel lai leh, thil man a tlawm viau lai hian Bihar state thingtlang khuate leh India Hmarchhak erawh retheihnain a la tuam chhah hle niin Oxford Univeristy-in India ram dinhmun a zirnaah chuan a tarlang, Heng hmuna mi tam ber chuan health care te an nei ve thei lo a, South Asia-ah pawh heng hmunte hi a rethei leh hmasawn chak lo pawl a ni a ti.

India bakah chenna atana hmun tlawm te chu Moldova, Pakistan, Kazakhstan, Nepal, Ukraine, Georgia, Algeria, Azerbaijan leh Colombia te a ni.