Rupert Grint-a chhiah a awl ru em ni?

Harry Potter-a chang, Rupert Grint chu chhiah a awl ru a ni mai thei, Bri≠tish sorkar chuan a chhiah pek tur pe turin hriattirna a pe a, a ṭul anga dan anga hmalak pawh an hreh lo tih an sawi.

Thawhṭanni khan London court-ah Rupert Grint hi a inlan a, hetah hian UK-a chhiah lam enkawltu, Her Majesty's Revenue and Customs (HMRC) chuan chhiah a pek loh chungchang hi an sawi chhuak a ni.

Tarlan dan chuan kum 2008 aṭanga 2010 chhung khan Rupert Grint hian chhiah a pek tur USD mtd 1.34 a nei a, a pe lo a ni. Rupert-a dan hremi rawih chuan chhiah pek loh a nei lo niin a sawi thung.