NASA boruak lawngin Jupiter a thleng

He solar system-a planet lian ber Jupiter chu NASA boruak lawng chuan a thleng ta a, he planet chanchin hi a zirchiang dawn a ni. Jupiter thlen nan boruak lawng hian mÍl tluklehdingawn 1.8 zet a zin kawng a zawh a ni.

Jupiter hi he lei leh Mars emaw Mercury te anga leilung nei a ni lo a, boruak hlawm a ni ber a, Helium leh Hydrogen a tam hle.

NASA boruak lawng hming hi Juno a ni a, Jupiter pan hian kum 5 kalta, kum 2011 Aug 5 khan he lei hi a chhuahsan a, nimin khan Jupiter hi a thleng a ni. Jupiter chanchin hi kum 2018 thleng khian a zir≠chiang ang a, a zir zawhah hian Jupiter-a tla bo tura ruahman a ni (self disintegrate).

Jupiter pangah hian thil bial sen (Great Red Spot) hmuh theih a ni a, chu chu thlipui nia ngaih a ni a, he lei tiat zeta lian a ni nghe nghe. Juno hian heng chanchin mai bakah hian, Jupiter tuamtu boruak te, a chhung lam boruak awmzia te a zir dawn a ni.

Juno-ah hian Gravity/radio system te, microwave radiometre te, Jupiter-in hipna a neih dan zirna tur Magnetometre te, particles detector leh hmanraw changkang leh ṭha tak tak, Jupiter chanchin zirna atana pawimawh turte dah a ni. Nizung chakna hmanga siam a ni. Juno hian Jupiter chhungril a luh chilh ang a, chu mai bakah he planet tuamtu boruak te, Jupiter gravity leh magnetic field te, tui awm leh awm lohte a zirchiang dawn a ni.

Jupiter chungchangah hian scientist te chuan hriat duh tam tak an nei a, chung zingah chuan, he khawvela awm ang, Aurora (Northern leh Sou≠thern Lights) ang hi Jupiter-ah pawh a awm ve ṭhin a, mahse Jupiter-a mi hi a Íng bik hle; eng vanga Íng bik em em nge a nih tih hi an hriat ch‚k zinga mi a ni a, hei bakah hian Jupiter lai rilah chhung mu ang, thil sakhat hlawm a chhung rilah a awm ang em? tih te, tuisik angte a awm ang em tihte hi a ni.