Khawvela perfume man to ber

Ṭhenkhatin an hman ngai miah lo, ṭhenkhat tan erawh a loa an awm theih loh chu perfume hi a ni. Inhnawih rimtui hi hmeichhe chanah kan dah deuh a nih chuan kan tisual hle ang a, a hmei a pain perfume hi khawvelin a atchilh. Perfume industry hi nawmchenna (luxury) nen inhnai takin a kalkawp tlat a, mi hausate intihhmuh thil a nih vang hian a man pawh kum telin a sang zel.

Kum 2016-a perfume man to ber chu kum 2011-a siam tawh tho kha a ni a, 'DKNY Golden Delicious Million Dollar Fragrance Bottle' an tih hi i han bel chiang dawn teh ang.

DKNYís Delicious Collection an tih zinga mi hi 'million dollar perfume' an tih chu a ni a, bottle khat hi dollar maktaduai khat man a ni a, hei hi perfume man to bera ngaih a ni.

He perfume hi DKNY-in anmahnia an tihchhuah a ni mai lo a, jewellery designer lar tak Martin Katz nen inkawpa an siam a ni. A bottle hi white gold leh yellow gold karat 14-a siam a ni a, sapphire eng (yellow) 183 an phum bawk a; hei mai hi ni loin a bottle cheina atan hian canary diamond, 4. 0 3 carat rose cut diamond, 3.07carat oval cut ruby, 15 Australian pink diamond, Brazilian Paraiba Tourmaline 1. 6 carat leh Sri Lankan Cabochon sapphire 18 carat-te an bel tel vek a ni!

Hei mai hi a ni lo, heng lunghlu leh rangkachak chi hrang hrangte perfume bottle-a bel hna hi kuta thawh a ni a, darkar 1,500 chhung zet an bel a ni.

Hei bakah hian perfume man to deuh deuhte kan tarlang ang a, a man hi dollar-a dah niin ounce khat (millilitre 29.57) zel man a ni e.

No. Hming Man zat (Dollar)

1 DKNY Golden Delicious Million Dollar Fragrance Bottle 1 Million

2 Clive Christian No.1 Imperial Majesty Perfume 12721/Ounce

3 Baccarat Les Larmes Sacrees de Thebes 6800/Ounce

4 Chanel Grand Extrait 4200/Ounce

5 Clive Christian No.1 2150/Ounce

6 Hermes 24 Faubourg 1500/Ounce

7 Caron Poivre 1000/Ounce

8 Joy by Jean Patou 800/Ounce

9 JAR Bolt of lightning 765/Ounce

10 Annick Goutal Eau d`Hadrien 442/Ounce