Concert entu tlem

Pathianni khan Beyonce chuan Wembley stadium-ah concert a nei a, he hmunah vek hian hemi hma hian Rihanna chuan concert a lo nei tawh bawk. Heng concert pahnihte hi an sawi dan chuan ticket an zawrhte an hralh zo vek ve ve a, mahse concert ṭan a nihin ṭhutna ruak a tam hle.

Hetiang thil hi a vawi khat thlenna a ni lo a, Wembley stadium-a concert-ah hian a lo thleng fo tawh a ni. Concert buatsahtute lam chuan a chhan an sawi lem lo a, ticket leitu tam takin an en leh peih lo emaw, an hman lo emaw a nih an ring.

Mi ṭhenkhat chuan computer programme pakhat 'Bots' hmanga ticket hralh a nih ṭhin vang a nih an ring. He programme kaltlang hian mi ṭhenkhatin ticket a hlawma an lei vak ṭhin vang a ni ang an ti.