Aamir Khan a inngaitlawm

3 Idiots film siamtu Aamir khan a actor-pui pahnih - Salman Khan leh Shah Rukh Khan te lakah chuan te hlein a inngai. Ama insawi dan takin "Anni bulah chuan waiter ang chauh ka ni," a ti.

"Salman leh Shah Rukh te an rawn luh chuan kei chu engmah lo mai ang ka ni berin ka hria. Kei leh anni khaikhin chuan anni chu star ropui tak an ni," a ti.

"Salman Khan te, Shah Rukh leh Amitabh Bachchan te hi kei chuan engtikah mah ka tluk thei lo ang. India rama hian film star lar leh hawhtling tak tak an awm a, chung zingah chuan tunge ropui ber ti ta ila, chhan a har viau ang. Hrithik Roshan, Ajay Devgn, Ranbir Kapoor, Ranveer Singh te an ropui hle a, mahse a ropui ber erawh sawi theih a ni lo," a ti a, amah bik chu ropui zinga chhiar tel ve turah a inngai lo.