GOT - season 7 ṭan har dawn

HBO TV serial hlawhtling zet mai, Game of Thrones chu season hnih chiah a awm tawh dawn a, season hnuhnung ber dawttu tur, Season 7 chan hun tur an sawn tlai zui.

Game of Thrones en ṭhintena an nghahhlelh Season 7 chu he film siamtu leh buaipuitute - David Benioff leh D.B. Weiss te chuan a chan hun an ṭan tlai dawn tih an sawi a, a chhan chu khaw awm danin a zir loh vang a ni an ti. Season 7 chan nana an duh ang khaw awm dan tur hi a tlai a ngai a, an duh ang taka khua a awm a, sik leh sa a awm hunah an chang ṭan dawn a ni.

Kumin hian chan an tum zet a, mahse thlasik a ni mai dawn a, hmar lamah chuan thlasikah ni an hmu ṭha tawk lo a, chuvang chuan a chan hun hi an titlai ta a ni. An duh ang tak khua chu ni sa ṭha vel vawl a ni a, chutiang tur chuan nghah rei ve hret a ngai dawn.