Midum thahna an dem

Thawhlehni khan Louisiana-a Baton Rouge-ah mingo police officer pakhat chuan midum pakhat, Alton Sterling a kaphlum a, hei hian US pumpui nghawngin, mi tam takin an dem thu an sawi chhuak a, chung zingah chuan milarte pawh an tel.

Drake chuan Sterling-a chhungte tan a ṭawngṭai tih Insta-ah a tarlang a, he inthahna hi a dem thu a sawi. Anni bakah hian Jesse Williams te, Nicki Minaj te, Kanye West te pawhin an dem a, an duh lo tih an tarlang bawk.

Mi pakhatin 911 a ko a, Sterling hian silai hmangin tute emaw a vau mek tih a report- a, he report bawhzui hian police-te hi kalin Sterling hi leia a bawhtir hnuah kahhlum a ni ta a ni. Police te chuan he inthahna thlen dan leh a chhante an chhui chiang mek. Hman deuh khan Ferguson-ah police-ten midum an kahhlum avangin buaina nasa tak a chhuak tawh a ni.