Fashion Fiesta

Tunlai ṭhalai tena an ngaihven rawn leh an insen hnemna ber pawh a nia nge, thawmhnaw tih lohah chuan kan hmelhmai kan cheina atana kan insenso hi a tam ber awm e. Hun hmasa lamah khan mit hmul chungchang ka rawn ziak nual tawh a, thai dum leh brows pigmentation lam chu sawi nawn ngai loin kan la uar tluang zel. Chumi nena kal kawp turin a hmui hnawih lam kan uar leh a, khawchhak siam a ni emaw ramchhung siam a ni emaw kan inchuh chur chur chu a nih hi.

Facebook lama online shopping-ah te han thlir kual ila, a original emaw 'nal lo pawh kan bawh suau suau a, a zuartu tan tunlaiah na na na chuan hralh nuam ber a ni ta ve ang. He hmuihnawh thil rawn tleh chhan nia lang chu, Reality show lar em em, lar chhan ber pawh nei em em loa lar ta em em chhungkua, Kardashians fa chuam Kylie Lipkit hmelhriat loh kan awm awm lo e. He lipkit hi an launch aṭangin rei lote chhunga out of stock dan te leh an restock nual tawh hnu pawha tunlaia cosmetic zinga hralh chak leh kal ber a ni tih te chu sawi ngai loin kan hre vek awm e. Amaherawhchu, he lipkit hi a tihlu zual turin a man lah a tam narawh. Mi nazawng neih phak ni miau hek lo le, nei pha tan pawhin cheng 6,000 dawn chuanga lipgloss pakhat lei chu a na lu hret a ni. Chuti anih si chuan ṭhalai tamtak tunlainaina a man ve si, thawhchhuah aia lipstick man tam zawk kan inhnawih mai chuan a dik dawn lo tlat, a ori lo deuh te pawh ngaihven ta ila. Chu chu thuhran, a rawng ang chiah mah se a man aia chanve hlawka tlawm te ka rawn chhawpchhuahsak dawn che ni. A tak hi ilo la duh ṭalh anih erawh chuan kyliecosmetics.com te leh ebay,amazon.in ah te lei tur a awm a, ilo ngaihven dawn nia.

Kylie lipkit-a Dolce K ang deuha senno dal da riai duh tan Nyx ho siam matte lipcream in Cannes (nyxcosmetic.com), tart tarteist lippaint (sephora.com) te leh Kat Von D Everlasting liquid in Lolita (sephora.com) te hi lo belchiang teh, chuan a rawng tilang chiang turin Nyx peekaboo neutral te nen hnawih kawpin a inang phian a nia. Kan sawi tak aia dal da leh deuh Candy K hi i rawng ngainat zawng anih chuan Anastasia beverlyhills liquid lipstick, pure Hollywood tih te, stilla stay all day caramello te leh Maybelline vivid matte lip color, 5 nude thrill te nen a inang tlang khawp mai a, lipliner-ah erawh E.L.F. studio lipliner hman a ṭha viau thung. Rawng uk duk lampang duh tan kylie true brown K ang deuhte chu Colour pop matte lip color Limbo te, the lip bar matte liquid lipstick, I like art type te hi lo belchiang teh, lip liner MAC lip pencil chesnut te nen, inang khat tlang tak an ni e.

Kylie u, Khloe-in he rawng Koko K hi inspired in, senno chek mai rawng hi, hetiang lam hi i ngainat chi anih thung chuan NYX soft matte lip cream Istanbul te leh Stlla stay all day Bellissima te leh matte lipstick, pink punch te hi lo belchiang la, a inang fu, lip liner NYX lipliner pale pink te nen lo hnawih pawlh la, nalh viau ang. Meialh rawng kan tih mai, senlar ni si lo, serthlum ni chiah si lo, a inkar ang rawng 22 ve thung erawh, loreal-ah terra cotta, Hourglass extreme lipstick-ah lush te hi lipliner ever aqua lip waterproof pencil coral te nen hnawih pawlh la, kylie 22 te nen danglamna awm lo. Posie K, Kylie fans tena a hming an phuah senno duk deuh rawng, vantlang inhmeh theih tur tak hi lip liner MAC chic trick-in i hmui kha line la, heng Kat von D everlasing liquid-a Bachelorette te leh colour pop lippestix fetch te nen hian inzulin, a mawi phian a nia.

Senlar hlarh mai, Mary Jo K ve thung aw; wet 'n wild lipliner berry red khan han line phawt la, NYX soft matte lip cream Amsterdam te nen inangin, MAC matte-ah pawh Ruby Woo hi lo belchiang chhin teh, inang khat tak an ni. A u hmingchawi bawk, an unaua upa ber Kourtney K ve thung hi chu a sen chiah lo, purple lam a pawl deuh, Nyx tho hian a ang deuh an nei leh a, soft matte lip cream Transylvania te, colourpop matte lipstick guess te nen a inang viau a ni. Mimal taka a ngainat ber leh amah pawhina a inhmeh em em, nude color Exposed ve thung hi chu, Nyx siam zinga mi tho, matte lipstick nude leh E.l.F. matte lipcolor nearly nude te nen a inang viau a nia, lo belchiang ve leh phawt mai teh.

Heng bakah hian gloss lam pang pawh a awm nual a, amaherawhchu tunlaiah na na na chuan a hil (matte) ngei mai hi kan duh deuh ṭhup avangin a hil bik ka rawn sawi lang a ni e.

Tluangpuii Hmar

Vakiria Institute of Fashion Technology