Kum 10 kal ta chhung khan US-ah Call of Duty hralh a kal
Market research company The NPD Group chuan 2010 leh 2019 inkara United States-a games hralh ṭhat zual 10 a thlangchhuak a, heng zingah hian Call of Duty game pasarih lai a tel.
NPD Group hian gaming platform hrang hrang aṭanga game hralh ṭhat list a tichhuak a, Nintendo, PlayStation, Xbox leh Steam-te pawh an chhiar tel vek a ni. Call of Duty hi cheṭha hle mah se game hralh ṭhat ber erawh a ni lo a, Grand Theft Auto 5 (Take-Two Interactive) chu game hralh ṭhat ber a ni thung.
Grand Theft Auto 5 dawtah hian Call of Duty game hrang hrang an intlar thla zut a, Red Dead Redemption 2 (Take-Two Interactive) leh Minecraft (Microsoft)-te chu pasarihna leh 10-na niin a dang zawng hi chu Call of Duty vek an ni.
Kum 10 chhunga US-a game hralh Ṭhat top 10 :-
1 Grand Theft Auto 5 (Take-Two Interactive)
2 Call of Duty: Black Ops (Activision Blizzard)
3 Call of Duty: Black Ops 2 (Activision Blizzard)
4 Call of Duty: Modern Warfare 3 (Activision Blizzard)
5 Call of Duty: Black Ops 3 (Activision Blizzard)
6 Call of Duty: Ghosts (Activision Blizzard)
7 Red Dead Redemption 2 (Take-Two Interactive)
8 Call of Duty: WWII (Activision Blizzard)
9 Call of Duty: Black Ops 4 (Activision Blizzard)
10 Minecraft (Microsoft)