Tour-ah Bieber-a'n sum a hmu hnem ber
Purpose World Tour a neih mek chu a hlawhtling hle a, a concert-na tura ticket an siamte an hralh zo pak pak zel bawk a, Justin Bieber-a tour hi zaithiamte tour zawng zawngah, tunhnai, a bikin June thla chhungah chuan tour hlawhtling ber a ni.
June thla chhung khan hmun 11-ah tour concert a nei a, heng a tour concert-a ticket hralh aṭangin Bieber hian USD 14,072,010 zet a hmu chhuak thei. Heng a concert apianga entu zawng zawng hi belhkhawmin mi 145,774 lai an tling. Bieber tour hi a hlawhtling hrim hrim a, kumin chhunga a concert neih tawha entu a ngah ber ṭum chu April 20-a Louisville khuaa KFC Yum! Center-a a concert kha a ni a, mi 16,496-in an en a ni.
Sting leh Peter Gabriel te concert hi a hlawhtling reuh hle mai. Tunah hian Rock Paper Scissors North American Tour an nei a, June thla concert hlawhtling tarlan zingah pahnihna an ni hial. He mite pahnih hian June 21-29 chhung khan hmun rukah concert an nei a, an concert
aṭanga sum an hmuh hi USD 9,783,400 lai a tling. Chawhrual ang zawng phei chuan Justin Bieber aiin an hlawhtling zawk. An concert vawi khatah hian entu 86,654 awm ziah ang a ni.
Rod Stewart hi a tar tawh tiin sawi mah se, music khawvelah chuan a la tar lo mai pawh ni loin, a vanglai a la hmang mek zawk niin a lang. June thla≠a tour hlawhtling tarlanah pathumnaah a lang pha a ni. June 11-17 chhung khan hmun pathum - Cardiff, Wales; Hull, England leh Kilmarnock, Nothern Ireland-ah te chauh a concert a, heti chung hian USD 7,795,350 zet a lalut thei. A concert vawi khatah hian kal mi 65,455 awm ziah ang an ni.
Pentatonix pawh music khawvelah an hlawhtlinna a zau zel a, chu chu an tour hian a rawn nemnghet. Hmun 17-ah concert an nei tawh a, heng
aṭang hian USD 5,537,251 lai an thawk chhuak tawh. The Cure chu concert tour hlawhtling, sum lalut hnem panganaah an lang. Hmun pakhat, Madison Square Garden, NY-ah chiah concert an buatsaih a, heta ṭang hian USD 2,990,885 lai an lalut a, entu 38,697 lai an awm.
Concert hlawhtling dangte
Mumford & Sons USD 2,894,270
Dolly Parton, USD 1,460,502
Fifth Harmony, USD 1,385,242
Phish, USD 1,374,580
Black Sabbath, USD 1,338,150