Indian zin miten Facebook an uar

Hotel.com-in a tarlan danin, India mi, zin mitena an hun hmanna tam ber, social media-a an luhchilh nasat ber chu Facebook a ni.

Hotels.com Mobile Travel Tracker survey aṭanga a landan chuan India mi, zinte hian sun bed vela inpho aiin Facebook bawk hi an ngainat ber a ni. Intawllen emaw, beach vela inpho emaw te ai chuan hahdam taka Facebook khawih diai diai chu an hun hmanna tam ber a ni a, an zin chhunga an hun hman zawng zawng zaa 50 chu FB nan an hmang.

India mi, mi 9,200, khawvel ram hrang hrang 31-a zinte hun hman dan an zir a, an zin chhung hian social media hrang hrang zingah Facebook chu an hman nasat ber a ni. Survey-a a landan chuan zin mi, social media khawih ten an hman ber chu Facebook a ni a, social media-a an luh zawng zawng zaa 95 chu FB-a luh nan an hmang a ni.

Hei bakah lang dang leh chu ram hrang hranga zintena Facebook an hman nasatna chhan ber chu an kalna hmuna an thlalakte tar chhuah nan a ni.