Matt Damon-a'n Hollywood aṭangin a zir chhuak

Actor hlawhtling Matt Damon chuan Hollywood aṭangin thil tam tak a zir chhuak tih a sawi a, chung zingah chuan hlawhchham changa awm dan chu a pawimawh berte zinga mi a ni.

Damon chuan film a chan a, a film channa a hlawhchham emaw, a flop emaw changin Hollywood-in an thlir dan chu a danglam vek zel tih a sawi a, mahse chungte chu tunah chuan a tuar dan a thiam tawh a ni.

A channa a flop changa thil awm dan sawiin, "He business chhungah hian min treat leh en dan a danglam tih ka hre thuai ṭhin. Mahse, mimal thil ni loin, number lam thil a ni tih ka hriatin ka thla a muang leh sawt ṭhin a ni," a ti a, Inṭhianṭhatna hian chan tur film min pe lo a, amaherawhchu an film siam tura chang atana an duhte hming an tlar thlak zinga ka hmun a tel lohin ka ṭhiante hian hrehawm min tihpui ṭhin a ni," a ti.