Mila Kunis-i'n chhungkua a ngai pawimawh

Milar, thil hria, tawnhriat ngah leh mi ningkhawng hre zawkte hian chhungkaw pawimawhna an hriain, an lo ngai pawimawh thei hle. Mila Kunis pawh hian chhungkua a ngaih pawimawh avangin hna an rawn offer pawh a lo hnar ngat thei.

Mi tam takin sum leh pai an duh luat tukah an fate, te tak te te pawh an kalsan nawl nawl ṭhin a, mahse Mila Kunis erawh chu chutiang mi a ni lo; sum tam tak ai chuan fate kaihhruai leh pasal bula hun hman a hlu zawk tih a hrethiam tlat.

Ashton Kutcher nupui hian Jupiter Ascending tihte movie hit tak tak a chang tawh a, a chan thiam avang leh a channa te a hlawhtlin
ṭhin avangin tunlai hian film chang turin an sawm nasa a, mahse a pasal leh a fanu, thla 21-a upa, Wyatt Isabelle te bula awm a duh zawk a, a hnar a ni.

Pasalte tihlawm a ngai pawimawh hle bawk. "Inneihnaah chuan nang leh i pasal kha an hlim tur a ni. In nupaa in hlim chuan in fate pawh an hlim ang," a ti. Chhungkaw hlimna a ngai pawimawh hle.