October-ah The Crown album thar 'Crown of Thorns'

Swedish death metal band, The Crown chuan an studio album 12-na tur, 'Crown of Thorns' chu Metal Blade kaltlangin October 11 hian an ti chhuak dawn ta. He album thar hi 2021-a 'Royal Destroyer' hnua an album hmasa ber a ni.

'Crown of Thorns' -ah hian hla thar 10 bakah bonus song pathum a awm dawn tih guitarist Marko Tervonen chuan a sawi. He album hi an hla hmasate nena a kalphung in ang lo deuh a ni dawn tih a sawi bawk. An album thara an main song, 'Churchburner' single video chu Nilaini khan an ti chhuak bawk. Album thar hi 2012-a an band chhuahsan tu, lead guitarist Marcus Sunesson-a'n 2011-a an band-a a lo kir leh hnua record an siam hmasak ber a ni. Marcus hi band-ah hian tel chhunzawm zel tawh dawn niin an tarlang.