Netflix-in Angelina Jolie channa 'Maria' rights lei

Venice Film Festival-a premier a nih hmain, Netflix chuan Angelina Jolie channa, opera singer Maria Callas biopic, 'Maria' US rights a lei. He film director hi Pablo Larrain a ni a, ani hian a hmain streaming giant tan hian 'El Conde' a lo direct tawh bawk a ni.

Netflix chairman of Film, Dan Lin chuan he biopic siamtu Larrain chu a fak a, hei bakah Callas lema chang Jolie lemchan thiam zia te a fak hle bawk. Netflix a tih chhuah a ni thei tur chu lawmawm a ti hle tih a sawi bawk. He film hi nikuma actor-ten nawrh an huaihawt laia siam a ni a, Venice leh TIFF-ah pawh ngaihven hlawh ber tur zinga ngaih a ni. 'Maria' hi 2024 Venice International Film Festival-ah premier a nih hnuah Netflix-ah tih chhuah a ni dawn a, an tih chhuah hun tur erawh an la puang lo.