Taylor Swift-in novel tih chhuah a tum

'Eras Tour' hlawhtling tak nei mek, Taylor Swift chu a novel ziah hmasa ber tichhuak turin a inbuatsaih mek. He novel hi 'A Girl Called Girl' tih niin, Swift hian kum 14 mi a nih laia a ziah a ni.

He novel-ah hian nuin fapa a neih chak thu te, hei vanga a fanu chu pawm thei tura a beih dante a tarlang a ni. Kum 2015 khan Swift hian a novel hming leh rights trademark-in, chuta ṭanga kum 10 dawn a ral hnuah tih chhuah a ni thei dawn ta a ni. Audio version pawhin tih chhuah tel tum a ni bawk. Music lam a luhchilh tak tak hma khan Swift hian novelist nih a chak thute pawh a lo sawi tawh a , 2012 'Speak Now Tour' a neih ṭum khan novel ziah a chak thu hi a lo sawilang bawk.