Feli Fanai Ṭhazualah ropuina a chang
A music video, hmuhnawm leh nalh zet mai a rawn dah chhuah hnuah Feli Fanai chuan Hontrade International Ṭhazual Lengzemah pakhatna a rawn luah chho thuai mai.
Feli Fanai hian 'Ti ve mai la' hla hmangin Hontrade International Ṭhazualah hian pakhatna a rawn luah a, he hla hi a tih chhuah tirh phat aṭanga pakhatna tura rinkai a ni. A hla a nalh a, a ṭhat mai bakah a music video a hmuhnawm tel hle a, amah Feli Fanai hmel kan hmuh ṭhin ang ni loin, a costume a nalhin a sam tihdan nen a inhmeh hle.
'Ti ve mai la' tih hla hi May thla tir lam aṭang khan kan hmu ṭan a, Anggu-a phuah a ni. May 30 khan Ṭhazualah hian kan hmu ṭan a, pakuanaah a rawn lang a, June 13 khan paruknaah chhoin, June 27 khan pathumna a thleng der tawh a ni. Pathumna aṭangin pakhatnaah a rawn kai thei ta a ni.
Nikum khan Feli Fanai hian 'Ka liam e' tih hla hmangin a lo hlawhtling tawh a, June leh July, 2015 khan he hla hmang hian pakhatna a zawnin ṭum thum ngawt a luah.
A hmaa pakhatna, C. Sanga leh Daduhi te hla 'A zual zel si' chu pahnihnaah a chuk a, pakhatna ṭum li zet lo ni tawh, stAge ft. Sangtei Khawlhring chu pahnihna aṭangin pathumnaah a chhuk thla bawk.
Top 10-ah hming thar, hla thar kan hmu a, hengte hi zai lama kan zaithiam neih ṭhatte an nih avang≠in an hla pawh hian a thlen san a rinawm hle. DJ Lalvenhimi chu 'Ṭhian rinawm' hla nen pakuanaah a rawn lang thar a, Mizo Idol aṭanga kan hriat pahnih - Lancy leh Omomi tena lenglawng hla an siam 'Hlimlaini' chu 10-naah a rawn lang bawk. A hmaa top 10-a lang, Pensy B. Lalthangliani hla 'Chelh ding rawh' tih leh, Zothan hla 'Sam ang ka
ṭhen ta e' tihte chu an chhuak thung.
Hontrade International
Ṭhazual Lengzem
1 Feli Fanai -
Ti ve mai la
2 C.Sanga & Daduhi -
A zual zel si
3 stAge ft Sangteii Khawlhring -
Beiseina
4 Josephine Lalawmpuii -
I lo ni reng si
5 Lawmkimi Chawnghlut -
Lenglerh
6 Manuna -
Ka lo tir tawh lawng
7 F Zomuanpuia -
Min hnem la
8 Dj Lalvenhimi -
Ṭhian rinawm
9 Janet -
Ka hmangaih che
10 Lancy & Omomi -
Hlimlaini