Drake aiah Blink 182 an sang zawk

Chawlhkar kua zet pakhatna a luah hnuah Drake chuan a dinhmun a ch‚n a, a aiah Blink 182 an rawn lang ta.

Tuma lehthal zawh loh emaw tih mai tur a nih tawh hnuah punk band Blink 182 chuan Billboard 200-ah pakhatna an rawn luah ta thung a, he album hi kum 2011-a 'Neighborhoods' album an tihchhuah hnua an album puitling hmasa leh ber a ni. Hei bakah an guitarist thar Matt Skiba tel hnua an album hmasa ber a ni bawk.

Blink 182 album hi 'California' a ni a, kar liam ta chhung khan copy 186,000 zet an hralh. Drake ang loin, anni hi chuan album pangngai an hralh hnem hle. Copy 172,000 zet hi album pangngai a ni a, a bak chu album tlukpui, track leh streaming a ni. Kum 2016-a rock album kar khat chhunga hralh hnem ber pathumna a ni. Kar khat chhunga Rock album hralh hnem ber chu Radiohead album 'A moon shaped pool' niin, a dawtah David Bowie album 'Blackstar' a ni.

Drake album 'Views' chu pahnihnaah a awm a, kar liam ta chhung khan copy 117,000 lai a la hralh thei tho. Palina hi Maxwell album "blackSUMMERS'night" album a ni a, palinaah Beyonce Knowles album 'Lemonade' a awm.

Billboard 200

"California" - Blink-182 (186,000)

"Views" - Drake (117,000)

"blackSUMMERS'night" - Maxwell (59,000)

"Lemonade" - Beyonce Knowles (39,000)

"Blurryface" - Twenty One Pilots (38,000)

"Anti" - Rihanna (36,000)

"25" - Adele (32,000)

The "Hamilton" Soundtrack - Various Artists (32,000)

"Epic AF" - Various Artists (28,000)

"If I'm Honest" - Blake Shelton (27,000)