Box office-ah animated movie bawk

Animated movie, Finding Dory ropuina a chuai a, rawn lian thar chu animated movie bawk a ni. North America-a kar tawp chhunga box office aṭanga sum lalut hnem ber chu The Secret Life of Pets a ni.

The Secret Life of Pets hian kar tawp ni thum chhung khan USD mtd 103.2 zet mai a thawk chhuak thei. Lehkhabu emaw, thawnthu emaw, a hmaa thil awm tawh eng emawa innghat ni lo movie zingah, inflation te chhut tel hauh loin, The Secret Life of Pets hi opening week-a sum lalut hnem ber a ni. A hmaa he dinhmun luahtu chu Inside Out film, nikuma tih≠chhuah kha a ni a, USD mtd 90.4 a lalut a ni.

Hei mai bakah hian a hlawh≠tlinna dang chu animated film zinga opening week-a sum lalut hnem ber parukna a tling pha bawk. The Secret Life of Pets-ah hian Kevin Hart chu aw thawhtute zinga mi a ni,

The Legend of Tarzan chuan pakhatna luah pha lo mah se pa≠hnihnaah a dinhmun a nghet hle. Pahnihnaah bawk a awm leh a, kar tawp chhung khan USD mtd 20.6 zet a la hlawhchhuak thei a, pathumna nen erawh an sum hmuh inthlauhna a tlem hle. Pathumnaah Finding Dory kha a awm a, USD mtd 20.4 a lalut. Finding Dory hian North America aṭangin USD mtd 422.6 a thawk chhuak tawh a ni.

Box office movie

"The Secret Life of Pets" - $103.2 million

"The Legend of Tarzan" - $20.6 million

"Finding Dory" - $20.4 million

"Mike and Dave Need Wedding Dates" - $16.6 million

"The Purge: Election Year" - $11.7 million

"Central Intelligence" - $8.1 million

"Independence Day: Resurgence" - $7.7 million

"The BFG" - $7.6 million

"The Shallows" - $4.8 million

"Sultan" - $2.2 million